الأيام كانت بسيطة… بس مش سهلة. طحين على تيابهم، سكر بالهوا، وفرن ما بيوقف. تعلّموا لغة العجينة، كيف بتتفاعل، كيف بتخرب، وكيف أخيراً بتزبط لما تفهمها صح. القهوة صارت طقس يومي، مش بس شرب لأ طحميص و طحن.

كان في كتير تجارب فاشلة. أطراف محروقة. كيك وقع..

بس ما استسلموا.

سنة كاملة عم يعيدوا نفس الشي… لحد ما بطل تخمين، صار إحساس.

لما رجعوا علبنان، ما رجعوا بفكرة.

رجعوا بحرفة.

لمّوا شنطهم مرة تانية.

و على دبي.

مدينة ما بتستنى حدا، سريعة، و فرصها كثيرة بس يا بتكون جاهز، يا بتضيع فيها. هنّي اختاروا يكونوا جاهزين. فتحوا coffee shop بـ City Walk، بثقة أكبر، بدقّة أعلى، وبوضوح أكتر.

وبعدين إجت Sugar Mommy بـ عود ميثا.

هالمرة، ما بنوا بس محل. بنوا شخصية. جريئة، مرحة، وبتلفت النظر غصب عنك. حلويات ما بتقعد بالبراد… بتفرض حالها.

لأنو بهالمرحلة، مروة ما كانت بس عم تخبز.

كانت عم تحكي قصص… بطبقات، بقوام، وبنكهات.

هاي قصتها.

وأدِيب، حدّها بكل خطوة.

مش حظ. مش توقيت.

بس اتنين قرروا يبلّشوا من جديد… وكل مرة، يختاروا هالقرار لحد ما زبطت معهم.